居屋 揀樓 手續 流程及注意

給大家看一下網民分享以往當日揀樓的情況: (持續更新)

記得攞齊以下文件：
1 身分證 正副本
2 揀樓信
3 本票及個人支票
4 英文住紙證明

揀樓程序：

記得先去定厠所再排隊

15分鐘前到，去到睇啟朗模型個面左手邊排隊，有線排隊。時間到職員會帶領同放大家入去一間房登記，攞定揀樓信同身分證準備入房前登記。職員咇完你張揀樓信同對完身分證就登記左，可以搵個靚位睇錄影聽揀樓程序簡介。

簡介完左職員會再讀一次所有已登記在場個名，冇你號碼記得要出聲。之後就會一綠一白按次序叫入房揀樓。其他人繼續等叫號碼入，留意返後面個mon可以見到即時最新揀左ge10個單位。

坐低揀樓要俾主任揀樓信同身份證，對完主任就會問你要邊個屋苑同單位，你講完後主任會再要你核對多次，啱就confirm冇得改。主任跟手就print樓價、首期同印花税資料俾你，然後叫你行出房到1-3號counter打支票。放心，職員會帶路。

到打支票counter,只要俾印有印花稅張紙、本票&一張個人支票等主任計剩餘首期銀碼&幫你寫日期同抬頭。你只要照抄翻個金額、劃線、簽名就得。唔明問主任，佢會教。記得本票&支票後面要寫上你揀樓編號、姓名、聯絡電話。（#記得收好本票同支票，因為唔係依家俾，係簽約時再俾。）主任會再俾一張預約簽臨時買賣合約紙俾你，上面有寫時間，係指定時間內去4號counter報到，等最終審查&簽約。

到4號counter報到完後，職員會叫揀樓no.帶去主任房交所有要帶文件、首期$$、白表要再申報一次入息同資產。簽好曬名，講解合約同對清楚資料就完成?恭喜你成為業主。但千奇唔好返屋企住!!!等一個鐘左右去返取合約處坐低（係扶手電梯底）等叫揀樓no.入房攞首期收據正本、臨時買賣合約英文正本（有中文版俾你參考）同一d聲明注意事項文件。主任對齊你要攞ge文件後,你要簽收返就完成#以上文件非常重要，一定要收好！ -完-

有文件，之後大家就可以盡情去攞coupons啦！因為全部都要有文件同收據先會俾足coupon, 否則之後攞左文件又要走多轉，上上落落好攰#注意：有d銀行會拆文件釘去影印，俾返你時記得睇下齊唔齊。

簽完臨時買賣合約記得要留意電話，主任有咩問題會call返去補簽文件。仲有主任話個人支票記得入錢，會好快交去過數，彈票唔會撻訂，佢地會電話通知，一定要係指定時限內親自交返本票。所以之後要留意電話同支票有冇過數。

以上僅供參考，我係中午12點揀，2點要再返去登記簽約，再一個鐘左右返去攞文件，全程4點完成。唔知其他時段揀樓一唔一樣。有咩唔明隨時問職員，佢地好樂意解答又熟情況，唔曬緊張。

ref: https://cyclub.happyhongkong.com/viewthread.php?tid=234885

1. 當日必須帶備什麼文件？
   身份証,揀樓信,有地扯証明就帶埋(用來對一對地扯only)
   
2. 到指定揀樓前一晚，房署會於網站公佈前一日淨餘可選單位嗎？
   係,每晚會在網頁更新, 現場有電視機可看最update .
   
3. 主任叫入房選單位，整個過程有幾耐時間？
   選樓信已經定好每批人的選樓時間,到時間就排隊入房.入房後睇短片,然後開始選樓,一開始會先叫十個,綠白綠白咁一路去選.
   
4. 選好單位後，係咪即場放低本票及餘額支票？（支票可否由非業主開出嗎？）
   選好單位後,在現場等交本票,剩下的可用支票俾, 支票只要簽名就ok , 佢會用打票機幫你打上收款人和銀碼..etc
   支票乜人開都得,能過數就可以.
   
5. 一經選好單位，當日係咪立即走去銀行申請按揭？ 按揭成功與否係咪即日知？
   唔洗即時申請,但如果係現樓就盡快申請,批核一般都要兩星期.有些人會耐d .
   
6. 當日係咪5點前要返回選樓現場confirm？
   睇你幾點選樓,佢會話你知幾點返來拎返份臨時合約.