香港外賣 Contrast 長沙灣

疫情持續到而家,應該仲有唔少人會揀買外賣返屋企食,Openrice又比較少外賣外觀相可以睇到。所以諗下諗下就開始一個新系列,記錄一下自己平常食外賣的情況,再加上一點簡單食評俾大家參考啦!

呢次我又喺外賣平台叫嘢食啦!呢次就用Deliveroo叫咗Contrast.呢間之前其實有去過堂食,加上之前係無外賣平台可以送外賣的,咁啱見到所以就試下經外賣買返來食啦!

外賣盒同飲品都幾實淨,所以送到屋企都唔會有倒瀉嘅情況。餐具係用環保素材值得一讚。

Iced Americano的顏色就比較淺色,食物賣相同份量都算尚可,但意大利飯個盒有一種無裝滿的感覺XD

食物方面:
All day breakfast:個人對竹炭麵包感覺麻麻,大啡菇幾好味,其他就算係一般味道。
忌廉蘆筍意大利飯:意大利飯充滿忌廉味,軟硬度都適中。蘆筍好入味,亦都有煎出來的味道。如果要兩盒比較,我會較喜歡意大利飯。
美式咖啡:因為自己飲咖啡基本上只會飲黑啡,所以比較容易可以評論咖啡是偏酸/苦,咁我就以後用酸/苦和咖啡濃度評價啦。
酸/苦:偏酸
咖啡濃度:偏淡

發佈留言

發佈留言必須填寫的電子郵件地址不會公開。