香港外賣 三刀次郎 長沙灣

疫情持續到而家,應該仲有唔少人會揀買外賣返屋企食,Openrice又比較少外賣外觀相可以睇到。所以諗下諗下就開始一個新系列,記錄一下自己平常食外賣的情況,再加上一點簡單食評俾大家參考啦!

呢次都係透過Foodpanda叫外賣,佢係身處於長沙灣嘅三刀次郎!佢除左喺長沙灣之外,仲有喺其他地方有三刀次郎架!但以我所知佢係無做門市的,所以喺Openrice搵唔到有食評。

外賣盒都係用左可以蓋得實嘅盒,所以送到屋企都唔會有倒瀉嘅情況。

壽司同刺身賣相都唔錯。壽司嘅飯量同刺身比例都適中,所以都會夠飽肚而又唔會覺得刺身太少。

食物方面:
海膽五色刺身飯:海膽無怪味,但五色原來有計埋海膽,所以就只有多另外四款海鮮,分別係三文魚、吞拿魚、蟹肉同三文魚子。如果蟹肉可以係另外一款魚刺身會更好。味道就算是新鮮的!!
金目鯛刺身:
都算係物有所值,如果鍾意金目鯛的話,可以叫嚟食架!
其他壽司:壽司飯有落足適合比例嘅醋,所以白飯入口都幾好味。另外火炙嘅壽司都有十足火炙味道,我都推薦大家可以試下!

發佈留言

發佈留言必須填寫的電子郵件地址不會公開。