香港外賣 Furi Bistro & Cafe 荔枝角

疫情持續到而家,應該仲有唔少人會揀買外賣返屋企食,Openrice又比較少外賣外觀相可以睇到。所以諗下諗下就開始一個新系列,記錄一下自己平常食外賣的情況,再加上一點簡單食評俾大家參考啦!

呢次透過Foodpanda叫左外賣,佢係身處於荔枝角同長沙灣交界嘅Furi Bistro & Cafe!本身自己想叫外賣前都想上Openrice搵一搵食評,但如果用上面個名係搵唔到架!

外賣包裝都唔錯,嘢飲用左兜穩定住,唔會因為送外賣而倒瀉。

外賣盒同蓋都好實淨,裡面嘢食同嘢飲都好穩陣。

食物方面:
蟹肉扁意粉配黑松露忌廉汁&全日早餐配鵝肝奶油包:意粉好食,蟹肉唔會有殼碎,同埋忌廉汁都做得好有味同足夠;全日早餐就都係全日早餐味道,唔會好難食但都無特別好食。
美式咖啡:因為自己飲咖啡基本上只會飲黑啡,所以比較容易可以評論咖啡是偏酸/苦,咁我就以後用酸/苦和咖啡濃度評價啦。
酸/苦:微苦
咖啡濃度:偏淡
而Latte不是我的,所以不能評價 XD 但喺Foodpanda叫就無得叫其他奶(Oatmilk / Soymilk)做替代,大家可以注意一下。

發佈留言

發佈留言必須填寫的電子郵件地址不會公開。